Kapitel 3: Obersorbische Version

MOJA ŁUŽICA

Łužica je Waša domizna, tule sće doma. Ale kóždy/a z Was ma swój wosobinski wobraz wo “swojej” Łužicy. My chcemy zhromadnje z Wami Waše předstawy wo Łužicy znosyć. Smy přeswědčeni: Łužica je mnohostronska! My so prašamy: Je zhromadnosćow? A kotrych rozdźělow a wosebitosćow je? A Was so prašamy:

1. Što je Łužica za Was?

2. Što je Wam za žiwjenje we Łužicy wosebje wažne?

Kommentare (4)

Pětr

ID: 70 07.10.2019 15:16

1. Łužica je za mnje moja domizna. W njej čuju so “schowany” – tu chcu bydlić hač do mojeje smjerće.
Tu znaju mojich susodow a dóstanu potrjebu hdźežkuli je trěbna. Tu móžu w mojej maćeršćinje w zjawnosći rěčeć a so jako SERB wuznawać.
Móžu serbske nałožki dožiwić a aktiwnje so na nich wobdźělić. Móžu so tu za serbstwo zasadźić a dožiwju pozitiwne wuwiće.

2. Zwjazanosć cyłeje serbskeje Łužicy ( Hornja + Delnja Łužica).

wylk

ID: 46 30.09.2019 22:53

1. Łužica je kraj mjez třomi statami. Stawizny Łužicy pokazaja stajne změny, hač politiske, rěčne, nabožne. Wotpowědnje mnohostronska je kultura. Swojorazna měšeńca kulturow, rěčow a politiskich nahladow wjedźe druhdy k napjatosćam, zwjetša pak je jara měrnje. A běda tomu, kotryž tutón měr myli!
2. Awto, wšako njejědźe tu žadyn bus.

Piwarc

ID: 40 29.09.2019 21:00

1. Europski region. Krajiny kaž Błóta, serbska hola, wuhlowe jamy, Łužiska jězorina, Delany, pahórčina z polemi, hola a haty a Łužiske hory. Města kaž Choćebuz, Žary, Wojerecy, Budyšin, Liberec. Serbske swětłownje na wsach kaž na přikład Chrósćicy a Ralbicy, Ćisk a Čorny Chołmc, Hochoza a Dešno. Moje přiwuznistwo w Delnjej, srjedźnej a Hornjej Łužicy.
2. Serbska identita wšelakich regionow we Łužicy w swojej pisanej rěčnej a kulturnej mnohostronskosći.

pjero

ID: 15 16.09.2019 15:15

1. Historiskej krajej Hornja a Delnja Łužica, z kotrymajž móžu so jako ze swojej domiznu identifikować.
2. Přetraće Serbstwa.