Chcemy so we Łužicy wo přihoty za lěpše strukturelne wobłukowe wuměnjenja postarać, kiž spěchuja na přichod wusměrjene inwesticije, nowozałoženja kaž tež kmanosć, we wubědźowanju wobstać, a inowatiwnosć předewzaćow.
Zukunftswerkstatt Lausitz
Z Łužiskej dźěłarnju přichoda wusměrjamy fokus prěni raz na krajej přesahowacy proces wuwića komunalnych łužiskich zarjadniskich cyłkow w Braniborskej a Sakskej.
Naš zhromadny projekt je klučowy instrument, zo bychu so w nastupowacej strukturnej změnje najwšelakoriše zajimy a aktualne situacije akterow z hospodarstwa, wědomosće, kultury, politiki a ciwilneje towaršnosće hromadu wjedli a strategije za strukturnu změnu wuwili, kiž su Łužicy dołhodobnje spomóžne. Łužiska dźěłarnja přichoda je projekt Hospodarskeho regiona Łužica tzwr.
Hač do kónca projekta w lěće 2020 chcemy z předewzaćemi, zwjazkami, ekspertami, wědomostnikami, dźěłarnistwami a zastupjerjemi ciwilneje towaršnosće pjeć rozsudnych temow přichoda forsěrować.
Chceće-li so online wobdźělić, stłóćče tu na knefl.
Jedyn region, jedyn wodźacy wobraz
Łužica je štyri króć tak wulka kaž Posaarska; z 99 wobydlerjemi na kwadratny kilometer pak dawno tak husće wobydlena njeje kaž je přerězk w Němskej (230 wobydlerjow/km²). W 235 gmejnach regiona bydli dobry 1,1 milion ludźi. Dźe wo to, za rozdźělne wuchadne situacije, wšelake zajimy a zaměry towaršnostnych skupin a dźělne kónčiny zhromadny wodźacy wobraz wuwić.
![[Translate to Sorbisch:] Projekt "Zukunftswerkstatt Lausitz"](/fileadmin/user_upload/01-content/00-startseite/zukunftswerkstatt-lausitz-projekt.png)
Wot Žitawy hač do Parska, wot Mühlberga nad Łobjom hač do Zhorjelca chcemy za wšón region strategiske koncepty wudźěłać a modelojte kaž tež praktiske naprawy přihotować.
Wažny wobstatk našeho projekta budźe wuwiwanje jednotneho wodźaceho wobraza za region.
Temy přichoda & projekty
Chcemy tomu přinošować, zo so Łužica jako inowatiwny region wuwije a bóle jako atraktiwny žiwjenski rum zaznawa.
Zo bychmy tutej zaměraj docpěli, smy za Łužisku dźěłarnju přichoda pjeć temow přichoda nastajili. Tute wobłuki za jednanje su:
Eficientne wužiwanje energije, wobnowjomne energije, cyle nowe systemy składowanja, koplowanje sektorow a zaručene zastaranje z energiju při płaćiznach za milinu, kiž we wubědźowanju wobsteja, budu w přichodźe dale a wažniše. Tule pokazamy na potenciale we Łužicy a za Łužicu.
Z krajej přesahowacej strategiju mobility, wšelakimi modelowymi projektami a z přemyslowanjemi wo cyły region wopřijacym digitalnym zastaranju stworimy wuměnjenja za atraktiwne žiwjenje a spěchujemy zasydlenje nowych firmow.
Ze swojej wotměnjawej krajinu, kulturnymi wosebitostkami a charakteristiskej přirodu Łužicy je region za turistow zajimawy. Budźemy wo rozwiću přirodu zapřijaceho a łahodneho turizma přemyslować.
Za spomóžne regionalne wuwiće sunjemy tematiskej wobłukaj infrastruktura a wuwiwanje płonin do fokusa. Z njekonwencionelnymi instrumentami kaž tež nowymi konceptami chcemy powabki za zasydlenje stworić a splećenje fachowcow do syćow spěchować.
NAŠA Łužica
Łužica je wjace hač jeno geografiske zapřijeće. Region zwjazuja wšelakora rjana krajina, historisce zrosćena kultura, přetworjaca so industrija a ludźo, kotřiž su na swoju domiznu hordźi.
Chcemy wóčko na zhromadne sylne stronki wusměrić a zaznawanje regiona jako cyłk spěchować. Tola kajki so přichod tuteje Łužicy jewi?
Region, kiž so přetworja
Hladajo na zaměry Němskeje nastupajo škit klimy a bližacy so kónc wudobywanja brunicy jewja so wšelake wužadanja za region. W nadawku łužiskich komunow wuwiwamy jako Łužiska dźěłarnja přichoda namjety za rozrisanja a směrodajne strategije za strukturnu změnu regiona, kotraž je přichodej spomóžna.
![[Translate to Sorbisch:] Karte der Lausitz - Gebietsübersicht](/fileadmin/user_upload/01-content/00-startseite/lausitz-karte.png)
Za Łužicu: #lausitzstark
Łužiska dźěłarnja přichoda je wězo tež w socialnych syćach aktiwna. Pod #sylnałužica wozjewjamy nowostki z Łužiskeje dźěłarnje přichoda, ale tež z regiona Łužicy.
Rozprawjeće wo Łužiskej dźěłarni přichoda?
Wužiwajće tež hesło #lausitzstark, přetož zhromadnje smy sylniši.